لكل عروسه مقبله على الزواج اليك فن ترتيب النيش ليعطى جما ل واناقه اكثر

بسم الله

طبعا لازم تفرشي بالمفارش اللي تبع مفرش السفرة

بيكون في مفارش مربعة صغيرة بتحطيه ويكون نازل منه جزء

على شكل مثلث وطبعا بيكون المثلث ده مطرز


بتفرشيه في الوش وفي الجوانب كمان عشان تدي شكل جميل


ثانيا الاطقم


حاولي وانتي بتشتري الاطقم متجبيش الوان كتير

يعني بلاش يبقى النيش عبارة عن كرنفال الوان عشان

ميزغللش العين وكمان هتلاقي صعوبه في تنسيقة خصوصا لو

المفرش لونه مش لايق مع الطقم يعني حاولي يبقى الاطقم على

قد ماتقدري لون واحد او لونين بالكتير يعني لو ذهبي يبقى

الكاسات فيها خطوط او رسومات دهبي وممكن يكون طقم

الشاي على لون عسلي يعني حاولي يبقى الالوان ماشيه مع

بعض وطبعا المفارش تكون ذهبي فاتح او بيج ولو عايزة تكون

حاجتك على فضي يبقى دي سهله بالنسبالك ممكن تحطي لون

تاني زي الاحمر او الاخضر او الازرق وده هيديكي انعكاس

جميل جدا



ثالثا الكاسات

طريقه الكاسات واطقم الشربات بيبقوا

لوحدهم وترصيهم بشكل جميل لكن بلاش تبالغي

وتكتري في الحاجه عشان جمال الاطقم هتروح

وطبعا طقم الشاي بيترص كله وبيكون البراد في

النص وحواليه الفناجين وبيكون وراه سيرفيس

مدور او بيضاوي زي ماتحبي ويكون واقف وراه

يعني ساند على خلفيه وممكن كمان

تحطي حواليهم فناجين القوة اللي تبع طقم

الصيني طبعا عشان يبقو شكل واحد واطقم

الخشاف بيكون الطبق الكبير في النص وبيتحط

جواه الاطباق الصغيرة بشكل مرتب وجميل غالباً

بيكون زي شكل الوردة وطبعا بيكون عندك طقم

صواني للتقديم بتكون غير اللي بتستخدميها في

المطبخ ودي بتحطيها في الخلف زي السيرفيس

كده اللي اتكلمت عنه من شويه

اما بالنسبه لشنطه الملاعق فليكي حريه الاختيار

ياإما بتفتحيها وتحطيها زي ماهي ياإما وده

الافضل انك تشيلي الملاعق منها

وتضعيها في ادراج البوفيه طبعا الملاعق بتبقى

محطوطه في حاجه كده جوة الشنطه وبتكون لكل

واحده مكان مخصص فانتي بتشيليها بيها عشان

شكل الملاعق ميبوظش

بالنسبه بقى لباقي طقم الصيني فدول بيترصوا

في البوفيه ولو ماعندكيش بوفيه فبترصيهم في

النيش من تحت خالص بيكون في مكان متداري

طبعا لان ماينفعش ان الاطباق تبان فية

وفى النهايه اتمنى لكم الاستفادة